أثار تعرض حارس أمن مصري للصفع والضرب من أحد قاطني مجمع سكني بالقاهرة، استياءً وغضباً كبيرين على مواقع التواصل الاجتماعي.
ورصدت كاميرا الفيديو مشهد الاعتداء بسبب منع حارس الأمن دخول أحد عمال الصيانة، لعدم وجود إخطار سابق بحضوره، وذلك حرصاً على سلامة ساكني المجمع في منطقة المعادي، بالقاهرة.
وطالب المعلقون بمحاسبة المعتدي، أياً كانت هويته، وتطبيق القانون، ووجّه المغردون رسالة إلى موظف الأمن، تتضامن معه وتطالبه بعدم التنازل، أو قبول الصلح كما هو متوقع، اعتماداً على حالات مماثلة سابقة.
كتبت علا عثمان: "لازم يلاقوا حل لمشكلة أفراد الأمن في أي كمباوند، عشان هو مطلوب منه ينفذ تعليمات معينة وقواعد حطاها الإدارة، وطول اليوم بيتعامل مع بهوات مش قابلين كلمة من حتة فرد أمن! لازم يبقى فيه حل!".
لازم يلاقوا حل لمشكلة افراد الأمن في أي كمباوند عشان هو مطلوب منه ينفذ تعليمات معينة وقواعد حطاها الإدارة وطول اليوم بيتعامل مع بهوات مش قابلين كلمة من حتة فرد أمن! لازم يبقى فيه حل!
— عــلا عــثــمــان (@OlaOsman) April 29, 2022
وألمح أحمد العش إلى هوية المعتدي، فكتب: "الناس بتتسائل المعتدي في فيديو البارون بيشتغل إيه، يعني عمال يضرب واحد ما حاولش حتى يرفع إيده يمنع الضرب، ولا حد حاول يتدخل، كل ده ما أوحاش لكم بحاجة؟".
الناس بتتسائل المعتدي في فيديو البارون بيشتغل ايه، يعني عمال يضرب واحد ما حاولش حتى يرفع إيده يمنع الضرب، ولا حد حاول يتدخل، كل ده ما أوحاش لكم بحاجة؟
— Ahmed Al-ish (@AhmdAlish) April 29, 2022
وأجابت دينا الحناوي: "طبعاً المعتدي واضح إنه عسكري، علشان الحركات القذرة دي ماتطلعش غير من الفئة العرة، اللي فاكرة نفسها ملكت العالم! نسيوا مقامهم وحجمهم، بس هايفتكروا تاني قريب".
طبعا المعتدي واضح انه عسكري علشان الحركات القذره دي متطلعش غير من الفئة العرة اللي فاكره نفسها ملكت العالم! نسيوا مقامهم و حجمهم، بس هيفتكروا تاني قريب https://t.co/JM1149l4j4
— دينا الحناوي Dina H (@dinaelhenawy82) April 29, 2022
فيما طالب مجدي كامل بمحاكمته: "لازم اللي اعتدي على فرد أمن غلبان، بالوحشية دي يتجاب ويتهان ويتحاكم، أياً كان هو مين #ارحل_يا_سيسي".
لازم اللي اعتدي علي فرد أمن غلبان بالوحشية دي يتجاب ويتهان ويتحاكم أيا كان هو مين#ارحل_يا_سيسي
— Magdy Kamel (@magdymohamed_) April 29, 2022
وأيدته نسرين: "الوضع الاجتماعي في مصر، بالأخلاق دي وبغياب تفعيل للقانون بالشكل ده، هاياخد البلد ويغرق قريب، الحل السريع هو قانون منجز مفعل، بدل ما هي غابة كده".
الوضع الاجتماعي في مصر بالاخلاق دي و بغياب تفعيل للقانون بالشكل ده هياخد البلد و يغرق قريب
— 🇪🇬 иєsяɪи ♒️ (@3h_nm) April 29, 2022
الحل السريع هو قانون منجز مفعل بل ما هي غابة كده https://t.co/6qi1A2TaJ5
وعلق سامح: "أول مرة أكره الإنسان للدرجة دي، مشهد مقرف ومقزز، لواحد من سكان كومباوند البارون ف المعادي، وهو بيضرب وبيهين فرد أمن، عشان يدخل الصنايعية اللي جايبه، "ملعونة لقمة العيش اللي تهين صاحبها".
أول مره أكره الانسان للدرجه دي، مشهد مقرف ومقزز لواحد من سكان كومباوند البارون ف المعادي وهو بيضرب وبيهين فرد أمن عشان يدخل الصنايعيه اللي جايبه، "ملعونه لقمه العيش اللي تهين صاحبها". pic.twitter.com/yVU0Jzh7wj
— ســــامــح💭 (@SamehOfficiall) April 29, 2022
ووجه رومان ماهر تساؤلاً لرئيس الجمهورية، عبد الفتاح السيسي: "بقي هي دي الجمهورية الجديدة اللي وعدتنا بيها".
بقي هي دي الجمهورية الجديدة اللي وعدتنا بيها @AlsisiOfficial https://t.co/SOIRhTWfwD pic.twitter.com/dzXgRSfcde
— Remon Maher🐺 (@remonmahers) April 29, 2022
ونظراً لشدة التفاعل على مواقع التواصل الاجتماعي، فقد ذكرت إحدى الصحف المحلية، أنه تم استدعاء المعتدي، وتولت النيابة التحقيق في الواقعة.