اتهامات لنظام السيسي بإخفاء الأطباء: #أحمد_صفوت_فين؟

دشن مغردون مصريون وسم "#أحمد_صفوت_فين"، متسائلين عن مصيره بعد اختفائه منذ نحو أسبوع. وهو أحد الأطباء المعروفين على مواقع التواصل الاجتماعي، وعضو في "نقابة أطباء القاهرة".

ويعكس الوسم تطوراً كبيراً في مناوشات نظام الرئيس المصري عبد الفتاح السيسي مع الكوادر الطبية، منذ بداية أزمة تفشي فيروس كورونا الجديد. وقد بدأت الحملة بتخوين الأذرع الإعلامية للأطباء واتهامهم بالتقصير، ثم محاصرة نقابتهم.

وطالبت إحدى المغردات، وتدعى غالية، النائب العام بالتحقيق، واتهمت الشعب والأذرع بالتقصير قائلة "‏يا حضرة النائب العام، في شاب دكتور مختفي قسرياً محدش عارف عنه حاجة لو مفيهاش إساءة أدب شوفهولنا، وإعلام بلدنا الجميل معداش  على معدينكم خبر اختفاء أحمد صفوت؟ أما شعب مصر الجميل فانتوا ليكم جنب لوحدكم والله ربنا يتولاكم بدعواتنا إن شاء الله. #أحمد_صفوت_فين".

يا حضرت النائب العام في شاب دكتور مختفي قسريا محدش عارف عنه حاجه لو مفيهاش اساءة ادب شوفهولنا
واعلام بلدنا الجميل معداش علي معدينكم خبر اختفاء احمد صفوت

اما شعب مصر الجميل فانتوا ليكم جنب لوحدكم والله ربنا يتولاكم بدعواتنا ان شاء الله #أحمد_صفوت_فين pic.twitter.com/Dg576e8l85

— غاليه (@omnya_ehab) July 4, 2020

وأشاد به محمود أنس: "‏دكتور أحمد صفوت الجدع اللي بيساعد الكل اختفى من 5 أيام عشان قال رأيه بس بدون ما يدخل في سياسة ولا غيره قال رأيه في المنظومة الصحية.  #أحمد_صفوت_فين".

دكتور أحمد صفوت الجدع اللي بيساعد الكل اختفى من ٥ أيام عشان قال رأيه بس بدون ما يدخل في سياسة ولا غيره قال رأيه في المنظومة الصحية
دكتور أحمد فين؟#أحمد_صفوت_فين pic.twitter.com/sXFka37Uq2

— Mahmoud Anas (@MahmoudAnasMoh1) July 4, 2020

ووافقته إسراء: "‏أحمد صفوت تقريبا أكتر حد كان بيساعدنا ويقف جنبنا وعمره ما اتأخر عني في أي حاجة سألته عليها ومش عدل أبدا يكون جزاؤه إنه يختفي لمجرد إنه قال رأيه ـ اللي هو بالمناسبة أمر واقع وكل الناس شايفاه يعني ـ أقل حاجة نعملهاله نقف جنبه بالكلام اللي للأسف معندناش غيره... ‎#أحمد_صفوت_فين".

أحمد صفوت تقريبا أكتر حد كان بيساعدنا ويقف جنبنا وعمره ما اتأخر عني في أي حاجة سألته عليها ومش عدل أبدا يكون جزاؤه إنه يختفي لمجرد إنه قال رأيه ـ اللي هو بالمناسبة أمر واقع وكل الناس شايفاه يعني ـ أقل حاجة نعملهاله نقف جنبه بالكلام اللي للأسف معندناش غيره..#أحمد_صفوت_فين

— Esra (@esramansour9) July 3, 2020

وتعجب أحمد رشدي مما سمّاه "الفجر في الخصومة": "‏طبيب عادي معملش أي حاجة غير خدمة زمايله وتوضيح كل الأمور الخاصة بالتكليف والنيابات للسنة الرابعة تقريباً، وكلام عن حقوق الأطباء ورفض اتهامهم بالتقاعس في الوقت اللي قدموا فيه 100 شهيد وآلاف المصابين. ليه يتم اعتقاله؟ ليه الفُجر الشديد ده؟ #أحمد_صفوت_فين؟".

طبيب عادي معملش أي حاجه غير خدمة زمايله وتوضيح كل الأمور الخاصة بالتكليف والنيابات للسنة الرابعة تقريباً، وكلام عن حقوق الأطباء ورفض اتهامهم بالتقاعس في الوقت اللي قدموا فيه ١٠٠ شهيد وآلاف المصابين. ليه يتم اعتقاله؟ ليه الفُجر الشديد ده؟#أحمد_صفوت_فين ؟ pic.twitter.com/ZTZ00Wqza7

— Ahmed Roshdy (@ro4deko) July 3, 2020

وأدلت مرحه بشهادتها عنه: "‏كنا في مره بنتكلم وباقوله انت فعلا محتاج تفصل وترتاح شوية. قالي ازاي بس والدكاترة مين يساعدهم جروبات الشات عندي واصلة آلاف الرسايل. دي آخرتها مع حد كان كل هدفه انه يخدم وان الدنيا تتصلح. #احمد_صفوت_فين".

كنا في مره بنتكلم و باقوله انت فعلا محتاج تفصل و ترتاح شويه. قالي ازاي بس و الدكاتره مين يساعدهم جروبات الشات عندي واصله آلاف الرسايل.
دي اخرتها مع حد كان كل هدفه انه يخدم و ان الدنيا تتصلح. #احمد_صفوت_فين

— mare7a menecy (مرحه) (@mare7a) July 3, 2020

وتعجبت ايمان عثمان: "‏عارفين يعني ايه واحد زي د أحمد مختفي بقاله أسبوع!! طبيب طوارئ من أول يوم في الأزمة واقف وشايل عنك كتير يا بلد!! شاب وظف وقته وجهده عشان يخدم كل مريض كل زميل له للنهوض بالمنظومة في عز ما إدارة الازمة نفسها بتضرب بمصلحة المواطنين عرض الحائط! ‎#احمد_صفوت_فين".

عارفين يعنى ايه واحد زى د احمد مختفى بقاله اسبوع!!!
طبيب طوارئ من اول يوم فى الازمة واقف وشايل عنك كتير يا بلد !!!
شاب وظف وقته وجهده عشان يخدم كل مريض كل زميل له للنهوض بالمنظومة فى عز ما إدارة الازمة نفسها بتضرب بمصلحة المواطنين عرض الحائط !!!#احمد_صفوت_فين

— ايمان بنت عثمان (@emanelshamly) July 3, 2020

وأشار نادر سليمان لآخرين: "‏حسبنا الله ونعم الوكيل.. آلاء وبعدين أحمد وفي غيرهم كتير عشان ايه؟؟ الدكاترة للأسف ملهاش سند في البلد دي. #أحمد_صفوت_فين".

حسبنا الله ونعم الوكيل
آلاء وبعدين أحمد وفي غيرهم كتير
عشان ايه؟؟
الدكاترة للأسف ملهاش سند في البلد دي#أحمد_صفوت_فين

— نادر سليمان (@NadSoly) July 4, 2020