#حملة_مقاطعة_الفاكهة في مصر... شعبية ولا مخابراتية؟
دعوات لمقاطعة الفاكهة لأسبوع (خالد دسوقي/فرانس برس)
شهدت مواقع التواصل الاجتماعي في
مصر جدلاً بعد انتشار حملة لمقاطعة
شراء الفاكهة بسبب ارتفاع أسعارها، أطلق الداعون لها أكثر من وسم بينها "#خليها_تحمض" و"#خليها_تعفن" و"
#حملة_مقاطعة_الفاكهة" و"#لا_للاستغلال".
وانقسم رواد المواقع لقمسين: أحدهما يؤيد الحملة بعد وصول أسعار الفاكهة لأرقام مرتفعة جداً ويتهم التجار بالجشع والمغالاة، وآخر يهاجمهم ويراها "مخابراتية" لإلهاء المواطنين عن النظام المسؤول الحقيقي عن ارتفاع الأسعار. ودعم تلك الفرضية تأييد المواقع الإلكترونية المؤيدة والكتائب للحملة.
وتبنى صاحب حساب "أناركي" الفرضية الأخيرة وقال: "#خليها_تحمض.. طب محدش جاب سيرة الضرائب العقارية ليه؟ ونعمل حملة مش هدفع ضرائب زي ما نقابة المحامين عملت!! هتلاقي أغلب ان مكنش كل اللي منضمين لخليها تحمض دي سيساوية.. عشان تقتنع ان التجار جشعيين وكده وان السيسي يا حبة عين أمه ملوش يد.. الحكومة حلوة بس التجار وحشين".
وتساءل محمد الديداموني: "بالنسبة لموضوع مقاطعة الفاكهة و #خليها_تحمض وكدهون... هو الإنتاج بتاع مزارع الفاكهة بتاعة الجيش نازل السوق قريب ولا حاجة؟".
وقالت نهى حكيم: "الصراحة الواحد مش عارف يقاطع ايه ولا ايه بس وماله التجار افترت واحنا ساكتين عليهم لازم يتربوا الجشع سعرهم والحكومة شيطان أخرس ساكتة عن الظلم اللي احنا شايفينه وعايشينه. #خليها_تحمض".
وطرح إسماعيل حسني بعض الأسئلة: "هل ترى حملة مقاطعة الفاكهة من 1/9 إلى 7/9 بسبب الإرتفاع غير المبرر للأسعار "خليها تحمض" حملة عادلة؟ هذا طبعا بافتراض إن عندنا مجتمع مدني قادر على التنظيم والحشد لإنجاح الحملة؟".
وأكد سامي عطية: "#خليها_تحمض ليه؟ الجنيه بلا قيمة والجباية قاطمة وسط الناس والبنزين و النقل غاليين والتجار بيفلسوا أصلا، احنا ليه بنستأسد على بعض وسايبين الحرامي الى ناهبنا كلنا وفقر البلد؟ الغنى بيشترى الفاكهة ومش معنى بحملتك والفقير مش لاقى أكل أصلا، ركز فى أصل المشكلة. #مصر_المنهوبة".
في حين خالفت بيري في الرأي: "منضمة لحملة مقاطعة شراء الفاكهة لمدة أسبوع من النهاردة لمحاربة الجشع والأسعار اللى بقت في متناول تجار المخدرات وبقى شراء الفاكهة لمن استطاع اليها سبيلا. #خليها_تحمض #خليها_تعفن".
وكتبت رانيا مصري: "#خليها_تحمض وتعفن هي والخضار واللحمة كمان وكل حاجة بيغلوها علينا وحسبنا الله على كل ظالم".
وغرّد محمود حشيش: "الفاكهة السنة دي في متناول نجيب ساويرس وأحمد أبو هشيمه ودندراوى. #خليها_تحمض".
وأكد عادل علاء: "* أحنا بنشتري أقل جودة بأعلى سعر. #حملة_مقاطعة_الفاكهة #خليها_تحمض #خليها_تعفن".
وكتبت رانيا "#خليها_تحمض! حملة عظيمة فحواها .. مقدرش ع الحمار قدر ع البردعة".
تابع آخر أخبار العربي الجديد عبر Google News
