#صوتك_مالوش_لازمة يعود إلى الترند المصري
اتفق المغردون على عدم جدوى التصويت (تويتر)
مع بدء التصويت في الانتخابات الرئاسية غداً الإثنين، أعاد رواد مواقع التواصل الاجتماعي تفعيل وسم
#صوتك_مالوش_لازمة، الذي ظهر في قائمة أكثر الوسوم تداولاً في الترند المصري، لتسجيل مواقفهم من العملية الانتخابية، فتعددت الأسباب والهدف واحد: عدم المشاركة.
وكتب يسري: "
#صوتك_مالوش_لازمة اسأل عقلك ليه السيسي محتاج وجودك تنزل وليس صوتك! لأنه قال انزلوا وقولوا لأ! لأنه أصلاً محتل مصر بقوة السلاح لكن كفيله الخارجي محتاج الصورة، وحشده للمصريين مثل الحشد في 30 يونيو عند انقلابه على رئيسه حتى يتم دعمه في الحكم".
وعلّقت سمراء رشدي: "الشعوب التي لا تملك وعياً، قد تصبح يوماً قطيع غنم يسوقه إعلام لا يملك ضميراً".
وعن تاريخ حكم العسكري، غرد مستر نور: "
#صوتك_مالوش_لازمه عند العسكر منذ 1952، وأصوات الشعب كله مالهاش أي تلاتين لازمة والنتائج كلها 99.9%، مفيش داعي تتعب نفسك وتنزل وتوسخ إيدك، كمان نسب الإقبال تاريخيه يا فندم تتناسب مع الإنجازات اللي بيحققها دائماً الزعيم الملهم أبو عيون جريئة".
وكتب عزيز: "ممكن تكون مقتنع بالحكم العسكري أو مصدق أن يأتي خير من انقلاب عسكري دموي أو السيسي بيحارب إرهاب لكن لو مقتنع إنه في انتخابات تبقى وبدون سخرية محتاج علاج نفسي".
ومستعيداً لقاء السيسي مع المخرجة ساندرا نشأت، كتب قلم حر: "فحوار القزم مع ساندرا ذكر أن الشعب مصر كله بيتحمل الكثير وقت عبد الناصر والنكسة من أجل مصر وللأجيال القادمة. أحب أعرفكم احنا الأجيال القادمة وأديكون شايفين حالنا منيّل بسبعماتة نيلة، وبيطالبوا نتحمل عشان الأجيال القادمة اللي هو حفيدي بعد 30 سنة هيكتب نفس التغريدة؟".
فيما وجّه محمد ثروت نصيحة للمجبَرين على التصويت: "عزيزي المواطن لو مغصوب تنزل تنتخب ورئيسك في الشغل أو مديرك في المصلحة عايز لامؤاخذة يشوف الحبر الفسفوري على صباعك يبقى صوتك للراجل اللي متبهدل زيك ونازل الانتخابات بردو غصب عنه".
وعن مشهد الرقص أمام اللجان، كتب أحمد المهندس: "ابتداء من الغد ولمدة 3 أيام متصلة استعدوا لأكبر حفلة "رقص"، فمصر قصدي للمسرحية المسماة الانتخابات طبعاً الموضوع مش محتاج بطاقة تصويت الموضوع محتاج "ليونة" مش أكتر".
وعلقت جمعة الشوان: "العسكر فَقَر مصر وخربها عاوز تنزل وتقول للخراب ده استمر؟؟".
تابع آخر أخبار العربي الجديد عبر Google News
