مؤتمر دعم السيسي في المنوفية: ماحدش راح

تحول مؤتمر لدعم الرئيس المصري، عبد الفتاح السيسي، بمركز قويسنا بمحافظة المنوفية، إلى مادة للسخرية، إذ لم يحضره أحد، ما شكل مفاجأة، لا سيما أن عدداً كبيراً من المسؤولين الرسميين ينتمون لتلك المحافظة.

وتوالت تعليقات رواد مواقع التواصل الاجتماعي على ما حدث، فكتب عصام مصراوي: "لما يتعمل مؤتمر في المنوفية لتأييد السيسي ويسجل لم يحضر أحد!! دي بس مش علامة يا مارد زي ما بيقولوا لا ده يعتبر خلل في أحد قوانين الطبيعة دي المنوفية يا جدعااااان".

وشاركه مجدي كامل التعجب: "#فضيحة_اليوم مؤتمر دعم السيسي في #المنوفية لم يحضر أحد لا نهار ولا ليل غير منظمي المؤتمر.. هما اللي قعدوا يسمعوا نفسهم الشعب #قاطع وفين يا محمد يا نصر؟ في #المنوفية يا نهار أبيض".

وساخراً من فراغ القاعة، كتب صلاح: "مجموعة من السيساوية عملوا مؤتمر لدعم السيسي في المنوفية، والنتيجة محدش راح أيتها الجماهير العريضة أيتها الجحافل".

كما كتب محمد أكسجين: "امبارح ف المنوفية بمركز قويسنا شوية بلحاوية جهزوا مؤتمر علشان تأييد السيسي في انتخابات الرئاسة، وصرفوا فلوس كتير بوابات وبانرات وفراشة وسجاد وإضاءة وسماعات وبرنامج ع أعلى مستوى.. المهم إن بعد ده كله المنظمين اتفاجئوا إن محدش م الناس جه المؤتمر خالص وكانوا هم المنظمين وهم برضو الحضور".

وبمقارنة بين مكانين، كتب الحقوقي جمال عيد: "الصورة 1: مؤتمر في المنوفية لدعم السيسي، بوابات أمن وداخلية ومرور، مفيش جمهور! الصورة 2: واحدة من مكتبات الكرامة العامة الزقازيق، مليانة أطفال وشباب، وأغلقها أمن دولة السيسي! هما بيبنوا سجون، واحنا بنبني مكتبات".

وعن مستوى التأمين العالي علق أحمد عبده: "اللهم لا حسد مؤتمر #السيسي في المنوفية بس منين هو مؤتمر شعبي ومنين حاطين بوابة إلكترونية!!".

أما كاتوبجي، فاعتبر ما حصل "بروفة ل #انتخابات_2018 صرفوا فلوس بالآلافات وجهزوا لمؤتمر كبير ف #قويسنا وبوابات معدنية وبانرات لتأييد ترشيح #السيسي لفترة جديدة المنظمين للمؤتمر اتفاجئو إن محدش من الناس جه المؤتمر خالص".

وغرد أشرف داود: "من يومين في مركز قويسنا عملوا مؤتمر لدعم السيسي، جهّزوا صوان كبير وعملوا بوابات معدنيه لتفتيش الناس وبانرات كبيره وإنارة، لكن المفاجأة إن ولا واحد حضر المؤتمر ده، المنوفية يا دولة 😂شكلي هغير رأيي فيكم خليتوه عامل زي عزاء عم بخ".