أبو هشيمة يغضب المصريين بعد اقتراحه تخليهم عن الذهب

شنّ مغردون مصريون هجوماً على رجل الأعمال أحمد أبو هشيمة لاقتراحه إيداع المصريين مدخراتهم من الذهب لدى الدولة، مقابل ضمانات باستردادها بالوزن نفسه، أو بقيمتها بالدولار الأميركي، إلى جانب عائد سنوي ثابت.

وقال أبو هشيمة، في حديث لبرنامج "يحدث في مصر" على قناة إم بي سي مصر، في محاولة منه لاقتراح حل لأزمة مديونيات الدولة ونقص الدولار: "في ثروة كبيرة من الدهب عند المصريين تحت بند الاقتصاد غير الرسمي، وهم غير مستفيدين منها، ويمكن أن يودعوها لدى البنك مقابل الحصول على فوائد".

رجل الأعمال أحمد أبو هشيمة: في ثروة كبيرة من الدهب عند المصريين تحت بند الاقتصاد غير الرسمي وهما مش مستفيدين بيها وممكن يحطوها في البنك وياخدوا فوايد عليها

تقدر تشوف الحلقة كاملة على شاهد (اتفرج ببلاش)https://t.co/x3AUgMyhew#يحدث_في_مصر #MBCMASR pic.twitter.com/8HlG8cg2jR

— MBC مصر (@mbcmasr) September 21, 2022

أبو هشيمة رجل أعمال مصري معروف بتقاربه مع الأنظمة المتعاقبة، وتصدر المشهد العام في البلاد لسنوات، ثم بدأ حضوره بالتراجع لصالح وجوه أخرى، وعام 2018 بدأ في الانسحاب من المشهد الإعلامي والرياضي، ببيعه قناة أون تي في وخروجه من المنصات والمواقع التي كان مساهما فيهاً. وعرف بزواجه من المغنية اللبنانية هيفاء وهبي، والممثلة المصرية ياسمين صبري.

واعتبر مغردون التصريحات محاولة من النظام الذي يدين له أبو هشيمة بالولاء لحل أزمته المالية على حساب مدخرات المصريين، ولجس نبض الشارع. فشكك أحدهم في نوايا أبو هشيمة، ورآه غطاء لاتجاه الدولة الرسمي، وكتب: "دا تطور جديد، إنهم يطلعو راجل أعمال يتكلم عن موضوع الدهب بالشكل دا، مين ساذج ممكن يصدق إن دي مبادرة أبو هشيمة ومحدش يعرف عنها حاجة؟ هيموت ويمص دم الناس في كل حاجة".

وغرّد مصطفى عارف: "عزيزي أبو هشيمة... للمصداقية وإثباتاً لقناعتك الصادقة باقتراحك عاوزين نخرج بقى برا موضوع الاقتراحات وحضرتك تطلع تاني مع شريف عامر النهاردة وتقول يا أهل مصر... أنا بدأت بنفسي وأودعت كل ما أملك من ذهب في البنك... يالا اعملوا زيي".

وكتبت دعاء: "أحمد أبو هشيمة كان دافع مؤخر 19 مليون جنيه. بيقولك احنا الشعب الوحيد اللي مش بيرشد استهلاكه". واتفق معها إبراهيم: "أبو هشيمة عاوز يخلي الناس اللي مخبية حتتين دهب للزمن تطلعهم وتشتري بيهم يخوت وطيارات زي ما اشترى لياسمين".

تقارير عربية

التحديثات الحية

أحمد عز "يرث" أبو هشيمة: قصة الصعود والهبوط

وسخر رضا سعادة قائلاً: "طلعوا اللي تحت البلاطة يا مصريين وهناخد بس كيلو دهب زي أبو هشيمة ما بيقول، وأوعى حد يفكر يسأل أبوهشيمة أبو 30 سنة جبت ملياراتك منين، ومحدش يسأل هوه اشتريت مصنع الحديد والصلب من الحكومة بكام، وبعدها بعته مرة تانية بمليارات لأحمد عز علشان يكمل احتكاره، ومحدش يسأله بعت قنواتك للحكومة بكام". وغرّد فتحي أبو حطب: "تقليب دهب الستات عادة مصرية قديمة... لكن أبو هشيمة قرر يفتح الباب للدولة علشان تشارك الرجالة في بيع دهب الستات".

تقليب دهب الستات عادة مصرية قديمة لكن أبو هشيمة قرر يفتح الباب للدولة علشان تشارك الرجالة في بيع دهب الستات. pic.twitter.com/xRkLwb9li9

— Fathy AbouHatab 🇨🇦🇪🇬 (@fmhatab) September 22, 2022

دا تطور جديد ، انهم يطلعو راجل اعمال يتكلم عن موضوع الدهب بالشكل دا ، مين ساذج ممكن يصدق ان دي مبادره ابو هشيمه ومحدش يعرف عنها حاجه؟
هيموت ويمص دم الناس ف كل حاجه😀 https://t.co/1Hpq7zsvlO

— Ahmad (@A7madAnw) September 21, 2022

عزيزي ابو هشيمة

للمصداقية و اثباتاً لقناعتك الصادقة باقتراحك

عاوزين نخرج بقي برا موضوع الاقتراحات

و حضرتك تطلع تاني مع شريف عامر النهاردة

و تقول

"يا اهل مصر"

"انا بدات بنفسي و اودعت كل ما املك من ذهب في البنك ...يالا اعملوا زيي"

— Dr Moustafa Aref (@3alamday3a) September 22, 2022