تفاعلت مواقع التواصل الاجتماعي في مصر، مع أخبار إصابة معظم لاعبي منتخب الشباب لكرة القدم ومدربهم ربيع ياسين بفيروس كورونا، وذلك أثناء تواجدهم في تصفيات بطولة أمم أفريقيا بتونس، ما ترتب عليه أزمة كبيرة وجدل حول انسحابه من البطولة أو استكمالها، شغل كل القنوات الرياضية والبرامج الحوارية ليلة أمس.
وانتقد مغردون النظام المصري وأرقامه المعلنة، وتعامله مع جائحة كورونا، وأكد صحة انتقاداتهم بأن مسحات الفريق في مصر كانت سالبة قبل السفر، وحذروا من موجة ثانية للفيروس، مع التكدس الحاصل في وسائل المواصلات، والمقاهي وغيرها وتراخي الإجراءات.
وتساءل تيمو: "منتخب الشباب عمل مسحة كورونا في مصر قبل السفر طلع كله سلبي.. بعد ما راح تونس عمل مسحة طلع كله إيجابي.. نفهم من كدة ان كواشف pcr عندنا مضروبة ولا اية؟". وسخرت أحلام: "النفسية بتفرق بردو .. طلعوهم سلبي على أمل ان نفسيتهم تبقى كويسة وعلى ما يوصلوا هناك يتحولوا سلبي ولكن النفسية ماتحسنتش وكل شيء انكشف وبان .. بلد بيديرها حبة متوحدين.. يكونش فاكرين ان هناك الدفاتر دفاترنا!".
وتذكر محمد: "في بداية الكورونا كتير مسافرين كانوا يطلعوا من مصر وتطلع نتيجيتهم ايجابي والاعلام ووزارة الصحة كانوا دايما بيقولوا أن مصر خالية من الفيروس وبالآخر طلع الفيروس معشش في مصر.. ووزارة الصحة آخر من يعلم". واقترح أبو يوسف: "احنا الظاهر اننا في مصر العظيمة مش عارفين نشخص الفيرس من الأساس ودة قمة الإعجاز العلمي.. أنا أقترح ندخل عبعاطي بتاع الكفته فورا".
وغرد سامي المصري: "#ادعم_منتخب_الشباب.. ما هم برضه سبب الإهمال في نفسهم.. فريق عنده سفر وماتشات وفي حاجة ماشية في الدنيا كلها اسمها كورونا.. بلا ادعم بلا بتاع الدنيا عندنا ماشية غلط في كل حاجة جت على منتخب الشباب.. المفروض اتحاد الكورة ووزير الرياضة واللجنة الطبية يتحاسبوا ويمشوا من مناصبهم.. دا المفروض بقى".
وقام علي جنيدي بحساب النسبة بين المصريين: "مصر في خطر.. إيجابية 17 فردًا بالإصابة بفيروس كورونا من أفراد بعثة منتخب الشباب بينهم ربيع ياسين مدرب المنتخب من إجمالى 37، يعنى حوالى 50%، وهذه هى النسبة الحقيقية وربما أكثر من ذلك في المصريين إذا وسعت الدولة ويسرت المسوحات".
ووافقه صابر في التساؤل: "ظهور 17 حالة إصابة بفيروس كورونا المستجد بين لاعبي منتخب الشباب بالإضافة إلى المدرب ربيع ياسين...دا منتخب أومال البلد كام؟". وكتب أبو أمل: "18 لاعب من منتخب مصر للشباب ايجابي كورونا .. من المسؤول عن هذه المهزلة؟ #كورونا_مصر #منتخب_الشباب".
وسخرت ميرو: "منتخب الشباب عمل مسحة كورونا في مصر قبل السفر لتونس طلع كله سلبي.. أول ما وصلوا تونس عمل مسحة فطلع كله إيجابي.. لا تخرج قبل أن تقول سبحان الله".
وتعجب عادل حسام: "6 حالات كورونا في طلائع الجيش 14 ولا 15 باين في منتخب الشباب .. وتوتال حالات ال100 مليون 400 بس عزيزي القارئ!".
من حوالى شهر تحدث طبيب الفلاسفه عن ذهول العالم مما حققناه من نجاح فى مقاومة كورونا
— Shimy Soliman (@SolimanShimy) December 15, 2020
...
اكتمل ذهول العالم. بالأمس لما طلع ١٧ لاعب من منتخب الشباب ومدربهم عندهم كورونا😅
#ادعم_منتخب_الشباب
— ⚖️Mohamed Elghannam⚖️ (@Elghannamm750) December 15, 2020
ربنا يشفيهم ويعافيهم
بس ازاي البلد دي بتأكدلنا ان حالات كورونا قليلة جداً وده منتخب الشباب كله مضروب بالكورونا ويطلع علينا وزير التعليم يقولك المدارس اللي قفلت علشان ظهرت عندها حالات كورونا هنحسابهم.
منتخب الشباب عمل مسحة كورونا في مصر قبل السفر طلع كله سلبي ، بعد ما راح تونس عمل مسحة طلع كله إيجابي .. نفهم من كده أن كواشف pcr عندنا مضروبة ولا إيه .. يادي الجرسة أم حناجل ..
— الدقـــــــ®ـــــــــر™ (@JaberDayi) December 15, 2020
هو منتخب الشباب لما عملوا مسحة هنا قبل ما يغيروا طلع الجهاز النتيجة سلبية وفور وصولهم تونس قبل دخولهم اتعملهم مسحة طلعت إيجابية احنا لازم نحط الجهاز اللى طلع النتيجة عندنا على جهاز كشف الكدب او نعمله هو نفسة مسحة ليكون عنده كورونا وحاقد على اللاعيبة
— Yoluo5 (@Yoluo51) December 15, 2020
منتخب الشباب عمل مسحة كورونا في مصر قبل السفر لتونس طلع كله سلبي
— ميروو مرساويه (@s23788) December 15, 2020
اول ما وصلو تونس عمل مسحة ف طلع كله إيجابي😁☺
لا تخرج قبل ان تقول سبحان الله
من المسؤول عن تفشى كورونا بين منتخب الشباب ؟
— alaaaboeyad (@alaaaboeyad) December 15, 2020
لما منتخب الشباب الرياضي، اصحاب اللياقة البدنية العالية والتغذية السليمة والرعاية الصحية الجيدة
— اسلمي يامصر (الريس نور) (@Noralden_Alkady) December 15, 2020
لما نص المتتخب ده بمدربه عندهم #كورونا
اومال الشعب الغلبان ده اللى لا تغذية ولا لياقة ولا رعاية صحية حالته ايه
ونسبة اصابته كم
مش اقل من ٧٥% عندهم كورونا
#منتخب_الشباب عمل مسحة كورونا في مصر قبل السفر طلع كله سلبي بعد ما راح تونس عمل مسحة طلع كله إيجابي...
— بولا فايق 🦅 (@bolafayek3) December 15, 2020
البلد دى ماشيه ببركة ربنا ..
لمّا تعرف ان منتخب الشباب اللّي هو كلّه على بعضه 28 واحد فيه منهم 15 حالة كورونا...وتحاول تحسبها نسبة وتناسب مع عدد الشعب pic.twitter.com/LTU1guu37H
— ahmedmthanaa (@ahmedmthanaa) December 15, 2020