دعوات لمقاطعة أعمال بيومي فؤاد: "الإحساس والفن نعمة لا تملكها"

تعرض الممثل المصري بيومي فؤاد لحملة انتقادات واسعة، عبر مواقع التواصل الاجتماعي، بعد ظهوره في فيديو من مشاركته في مسرحية "زواج اصطناعي" ضمن موسم الرياض في السعودية، وهو يهاجم انسحاب الممثل المصري محمد سلام من العمل نفسه.

وقال ساخرا: "من حقك أنك تعتذر عن المسرحية، لكن مش من حقك أنك تغلط في فنك.. إحنا ما بنجيش عشان نضحك حضراتكم.. إحنا بنقدم فننا المصري، وإنتم بتحترمونا وإحنا بنحترمكم جدا.. شيء عظيم إن أنا أخرج وأتصور مع شاب سعودي أو سيدة سعودية، وهي تعلم أن أنا مصري فأنا بشرف بلدي.. محمد أنور، راجل وأنقذ موقف وكان قدها.. وأنا فنان مصرى وليا الشرف.. جيت المملكة العربية السعودية وليا الشرف.. إحنا بنتعب وبنقدم فن ولو الموضوع كدة ففي فنانين كتير من أيام نجيب الريحاني المفروض ينتحروا".

وعقب انتشار الفيديو، طاولت بيومي موجة من السخرية، ليس من الجمهور فقط بل من زملائه في الوسط الفني أيضا. فكتبت المخرجة كاملة أبو ذكري، عبر فيسبوك :"الأستاذ الفنان اللي كنت واحدة من محبيه، لو حضرتك فاكر إنك لما تعمل عمل اتحضر واتكتب وتنفذ في تلات أيام، وتروح تعرضه وترقص وتغني وتضحك، وبعد كده تآخد آلاف الدولارات، لو ده بتسميه فن فأنا لا يشرفني إني أكون زميلة لك في هذه المهنة".

وتابعت: "ولما تكون بتعرض التفاهات دي ده لا يشرف الفن المصري، ولما تعرض التفاهة دي وجارك بيدبحوا أطفاله ونساؤه ورجاله وتقولي الفن، يبقى معنديش كلام أقدر أقوله غير إن الإحساس والفن نعمة انتم آخر ناس تتكلموا عنها".

من ناحيته، علق المؤلف المصري عبد الرحيم كمال على الواقعة، وكتب عبر "فيسبوك"، في تدوينة عاد وحذفها: "خسارة والله هو لو في آخر العرض عيط للجمهور وقالهم يا جماعة إحنا بنحب الفلوس وجينا عشان الفلوس ومستعدين نقعد 15 يوم تاني لو زودوا الفلوس كان الجمهور هناك سقف وضحك وصدق، والجمهور هنا ضحك وصدق"، وتابع: "لكن انك تقفل العرض الكوميدي بمشهد تراجيدي ده يبقى خيانة لنوع الدراما اللي أنت بتقدمها وده مش صح مهنياً".

وعلقت السيناريست المصرية إنجي علاء، وكتبت عبر منصة إكس: "أنت كفنان مبدع ربنا أنعم عليك بنعمة قدرها عظيم.. لو محترمتهاش محدش هيحترمك وهتبقى رخصت فنك ونفسك"، وتابعت: "ومن سمو الفن أنه مرآة لمشاعر المجتمع.. الفنان الحقيقي بيكون مهموم بهموم الناس.. حاسس بيهم.. بيعبر عنهم.. وحتى وهو بيرفه عنهم بيقدر يوصل رسالة تفيدهم وتأثر فيهم وهو بيرقق مشاعرهم". وأضافت: "الفنان الحقيقي بيحترم مهنته وبيحترم الموهبة اللي ربنا ادهاله وبيحترم نفسه وعارف قيمة فنه.. أنا بريئة من العبث اللي بيحصل ده.. الفن أرقى من كده بكتير".

انت كفنان مبدع ربنا انعم عليك بنعمة قدرها عظيم.. لو محترمتهاش محدش هيحترمك وهتبقى رخصت فنك ونفسك.. ومن سمو الفن انه مرآة لمشاعر المجتمع.. الفنان الحقيقي بيكون مهموم بهموم الناس.. حاسس بيهم.. بيعبر عنهم.. وحتى وهو بيرفه عنهم بيقدر يوصل رسالة تفيدهم وتأثر فيهم وهو بيرقق مشاعرهم..…

— Engy Alaa (@engyalaa) November 5, 2023

من ناحيته، طالب الناقد المصري طارق الشناوي نقابة المهن التمثيلية برئاسة الممثل أشرف زكي بسرعة التدخل بإصدار بيان إعلامي لتوضيح الأمر، وقال في مداخلة هاتفية في أحد البرامج إن الأمر بات أكبر بكثير من هذه التصريحات المتبادلة، والقضية أكبر من مجرد التفاعل والاستماع لما يقال ويكتب على منصات السوشيال ميديا.

كما طالب الكثير من رواد مواقع التواصل الاجتماعي بمقاطعة أعمال الممثل بيومي فؤاد، بالإضافة إلى مقاطعة المطعم الذي يملكه في أحد المراكز التجارية في حي السادس من أكتوبر في القاهرة.

بيومي فؤاد عامل بيزنس مطاعم يريت الناس تنزل اسم المطاعم وأماكنها ونعملها مقاطعه عشان خاطر محمد سلام اللي اشترانا نشتريه

— Abdelrahman Kasem (@abdelrahman_km) November 5, 2023