هكذا ردّ أبوتريكة على هنيدي حين هنأه بالعودة

وكان أول المهنئين، الممثل الكوميدي محمد هنيدي: "ترجع بالسلامة يا حبيب الناس"، ليجيبه محمد أبوتريكة: "جهّز نفسك للمباراة علشان تتغلب زي ما هتتغلب في البلايستيشن".

وكتب كابتن أحمد الشيخ، لاعب الأهلي المعار إلى نادي الاتفاق السعودي: "ربنا كريم ودعواتنا ليك استجابت الحمد لله.. محكمة النقض توصي برفع اسم نجم الأهلي ومنتخب مصر السابق محمد أبو تريكة من قوائم الإرهاب وترقب الوصول بمصر".

وعبّر فاروق أحمد عن سعادته: "عودة أبو تريكة لمصر هو الخبر الوحيد الرياضي حالياً اللي يستحق إعطاءه مساحة إعلامية وصحفيه للتحدث، أفضل لاعب مصري شفته وعاصرته يلعب كرة قدم بعقله قبل قدمه، أسطورة مصر والأهلي في القرن الجديد، ربنا يوفقك ويسعدك ويعينك يا أبو تريكة".

وبالنداء الجماهيري الشهير كتب زيزو: "من العتبة جينا ومن شبرا.. ياتريكة يأبو فانلة حرير حمرا.. يا تريكة فنان ولعبك رجولية.. يا تريكة يا نجم الكورة العالمية.. يا تريكة يا مدفعية... يا تريكة يا مية مية.. يا تريكة يايايايايا تريكة".

وطالب الكثير من جمهوره باستقباله في المطار، فكتب أحمد عبد الغفار: "ياريت تقولنا يا ماجيكو انت جاي إمتي علشان نستقبلك في المطار، واحشتنا والله يا تريكة".

وكذلك أوبيدو: "اللي معايا إننا نروح نستقبل تريكة في المطار يعمل لايك".

بينما عبّرت مجموعة عبر مواقع التواصل الاجتماعي عن قلقها من رد فعل النظام السياسي تجاهه، على الرغم من حكم المحكمة، فكتب بيج برازر: "خايف يعملوا كمين لأبوتريكة ممكن يلبّسوه أي قضية عادي جداً".

وكذلك كتبت حبيبة أحمد: "لا يا تريكة مترجعش ده ممكن يكون كمين هما بيوصّوا على اسمك من امتى يعني الاهتمام ده، لا وكمان مع ترقب الوصول ليه عايزينك دلوقتي ترجع، هما ممكن يسيبوك تيجي وياخدوك ومنعرفش عنك حاجة أرجوك يا كابتن مترجعش احنا مش مستغنيين عنك، يا ماجيكو مترجع أرجوك غير لما النظام يتغير أرجوك".

منة علي: "ولو إن الواحد مش متطمن للموضوع ده بس أنا فرحانة علشان تريكة فوق الوصف والله فعلاً".​