مصريون رداً على شعار مؤتمر السيسي للشباب: أعدم ... انطلق

ومن شعار المؤتمر، سخر إسلام عرفة: "الإنسان المصري مش بيتبني الإنسان المصري بيعبأ آليا وبيتحشي قرارات من مصلحته".

وأضاف: "السيسي عايز يخرجنا من أمة العوز اللي هو أساسا داير يشحت علينا من دول الخليج".

وعلقت راجية: "مراحل المرار الطافح: أولا: مصر أم الدنيا وهاتبقى قد الدنيا وبعدها: وبكرة تشوفوا مصر وصولا لأمة العوز".

وغرّد يوسف: "واحد اقترض 45 مليار دولار في 4 سنين وعليه ودائع لدول الخليج بحوالي 16 مليار دولار واقترض دين داخلي في 4 سنين أكثر من 2 تريليون ج يقولك عايز أخرجكم من العوز!!! ده إحنا في العوز ذاته... الراجل ده في غيبوبة".

وكتب نرمين محمد: "#السيسي التعليم الحقيقي رحلة قاسية هل أنتم مستعدون لها؟، آه والنيييعمة يا ريس أصل أي أمة لم تقم إلا بالتعليم، بس إوعى يكون قصدك رحلة قاسية في الفلوس وإلغاء مجانية التعليم اللي انت ناوى كدة كدة تلغيها".

كتب طالب الحق معلقاً على مرتب مصطفى مدبولي رئيس الوزراء: "180 جنيه سنة 1980 لربطتها بأسعار الذهب أو الدولار أيامها هيعادلوا تقريبا 10000 جنيه، فين الشاب اللي في مصر كلها بيبدأ حياته بمرتب 10 آلاف جنيه دلوقتي".

وأبدى السيسي حزنه من وسم #ارحل_يا_سيسي فكتب عتريس: "إنت بتزعل من #ارحل_يا_سيسي، فيه ناس كتيرة جدا برضه بتزعل أما متلاقيش تمن الأدوية ومتلاقيش تمن الهدوم ومتلاقيش تمن أنبوبة البوتاجاز ومتلاقيش تأكل أولادها وفيه ناس بتنتحر، يا ريت تتابع أخبار المنتحرين زي متابعتك للهاشتاغ".

وبالتزامن مع المؤتمر صدر الحكم في القضية المعروفة إعلامياً بـ "فض اعتصام رابعة"، بإحالة أوراق 75 إلى المفتي، وترقية منفذ مذبحة الحرس الجمهوري إلى رتبة فريق أول وزيراً للدفاع، فكتب عبد المنعم: إعدم.. انطلق #ابدع_انطلق".