حصار جمركي مصري سعودي على "أندروير" المصريين!

تفاجأ المصريون بفرض ضريبة القيمة المضافة بنسبة 14 في المائة، على المتعلقات الشخصية للمصري العائد من الخارج، بالإضافة إلى ضريبة جمارك تتراوح بين 30 و60 في المائة، اعتماداً على نوع السلعة.

وضجت مواقع التواصل الاجتماعي بالخبر، إذ هلّلت له المواقع الإلكترونية المؤيدة للنظام، بينما استنكرها الناشطون وسخروا منها.

ورحبت المواقع الإلكترونية المؤيدة للنظام المصري الحالي بخبر فرض الرسوم الجديدة، على ما وصفوها بـ "المتعلقات شائعة الورود" للمسافرين، ووصلت إلى الملابس والعطور والمتعلقات الشخصية والهدايا التي يهدونها.

أما الناشطون فسخروا من القرار الجديد، متسائلين "انتوا هتدفعونا فلوس على الأندروير (الملابس الداخلية)؟"، واللافت أن فرض الرسوم تزامن مع فرض المملكة العربية السعودية رسوماً جديدة على المقيمين فيها ومرافقيهم والزائرين، ما اعتبره رواد مواقع التواصل الاجتماعي "حصاراً ثنائياً مصرياً سعودياً على المصريين".

وغردت فاطمة "‏الحكومة بعدما فرمت المواطن داخل مصر، قررت أنها تفرم المغتربين، وفرضت #جمارك على الملابس...احنا عايشين أصلا عشان نشتغل ونحوش فلوس نديها للسيسي".

وكتب، حسام "‏وبعدين معاكي يا مصر؟ بنزين وضريبة مضافة، وكمان جمارك على شنط المغتربين! قاعدين مش رحماهم ومغتربين مش رحماهم؟ وآخرتها معاكي".

وربطت نهال بين جمارك مصر وضرائب السعودية "‏ضرائب على المقيمين وعائلاتهم، جمارك على الناس اللي جايين من خارج مصر! تقتلونا؟ عادي والله"، وغرد محمد أبوشامة "‏السعودية تفرض رسوماً على المرافقين، قوم ايه المرافقين المصريين هيرجعوا مصر، قوم ايه السيسي يفرض جمارك 75% من قيمة أمتعتهم فردة وبلطجة #مصر".

وفي السياق نفسه، كتب علاء الكردي "بجد الواحد زهق وقرف من كل حاجة حواليا، في السعودية يرفعوا التجديد، وفي مصر عايزين يدفعوك جمارك على كل حاجة حتى هدومك، ازاي يعني؟ ارحمونا بقى"، وسخرت "شيمو": "السعودية وبتاخد فلوس على القعدة، ومصر بتاخد جمارك على اللبس اللي بننزل بيه! هو في إيه؟".

وسخر سقراط: "لو أنت مصري وربنا كرمك وهاجرت وفاكر ان مصر نسياك تبقى غلطان، يوم ما ترجع تزور أهلك مصر هتدفعك جمارك على كلوتاتك"، ووصف بيتر حال البلاد "‏مصر بتدور على فلوس لدرجة انها نزلت جمارك على الهدوم #تحيا_مصر".

وتعجبت منى "‏مصر فرضت جمارك على الهوا اللي الناس بتجيبه من بره في شنطها"، وسخر عمر: "بعد ما حيدفعوا اللي نازلين مصر جمارك على بوكسراتهم، غالبا المرة الجاية حيبعتولنا مخبرين لباب بيتنا ياخدوا مننا إتاوة".