#صندوق_مصر_السيادي: عواد باع الأرض

وأصبح البرلمان مثار هجوم وانتقاد رواد التواصل، خصوصاً أن الصرف من الصندوق تحت إدارة الرئيس عبد الفتاح السيسي، دون رقابة من أية جهة. ولخص عبد الرحمن القصة بالقول: "‏عواد باع الأرض خلاص".

وشرحت حليمة عن الصندوق: "‏تعرف على أبرز ملامح قانون صندوق مصر السيادي..
الصندوق يخضع لتصرف السيسي مباشرة.. يعطي للسيسي سلطة نقل ملكية أصول الدولة للجهات التي يحددها. يعني ممكن لإسرائيل بيع وشراء وتأجير الأصول الثابتة والمنقولة للدولة، تأسيس الشركات والعمل في سوق الأوراق المالية المشاركة في الأنشطة الاقتصادية".

في حين تساءل عادل محمد: "‏‎إللي أنا مستغربله أن السيسي مش محتاج يعمل القوانين دي عشان هو لو عايز يعمل حاجة هيعملها ومش هيهمه أي قانون بس يبقى سؤال هنا.. هل ممكن يكون نوع من التحصين عشان فيما بعد محدش يفكر يحاسبه؟".

وكتب حساب ساخر يحمل اسم المخلوع مبارك: "‏بعد صبح على مصر بجنيه، وبعد صندوق تحيا مصر، وبعد حلق الحاجة زينب، وشهادات قناة السويس المضروبة، تعرفوا على صندوق مصر السيادى. ‎#عمرك_ضاع_ف".

في حين لفت حمو الرويني: "‏‎#السيسي.. قانون صندوق مصر السيادي ده يديك صلاحية تنقل انشالله الأهرامات لأي بلد إنت عايزها".

ووصف حساب "ميدان رابعة العدوية" الأمر: "‏قانون صندوق مصر السيادي = بيع مصر لأي حد المهم يشخلل".

وعلق كريم الرفاعي: "‏في قانون اتعمل من حوالي كام ساعة في مجلس الشعب واتوافق عليه مش فاهمة أوي بس غالبا إن كل أرض في البلد هتكون تابعة للرئيس وحرية التصرف فيها وعقارات وإيجارات وحاجة كدا زي تاريخ الفراعنة".

ولمح الناشط طارق الملط للكاتب وحيد حامد قائلا: "‏وددت لو سمعت بنت شفه.. لوحيد قرنه وزمانه.. وباقي شلة المبدعين الأشاوس.. اللي عمالين يرقّصوا عضلاتهم على مستشفى ٥٧٣٥٧.. تعليقاً على القانون الذي أقره مجلس النواب بخصوص إنشاء #صندوق_مصر_السيادي، ولا هتقلبوا ‎#دكر_بط_بلدي".

وكتب "كابتن هادوك": "‏الخبر بتاع صندوق مصر السيادي ده ظريف جدا، لأنه بيأتي في نفس الوقت الذي نعاني فيه من عجز قياسي في الميزانية.. يعني المواطن بيجوع ويموت من غير علاج ويفضل جاهل عشان مافيش ميزانية لأن الصندوق السيادي شفطها... وصف من يحكم مصر أنهم عصابة مسلحة أصبح وصفا في منتهى الأدب".