غضب بعد إعلان الاحتلال الإسرائيلي بدء تصدير الغاز لمصر

وكان وزير الطاقة الإسرائيلي، يوفال شطاينتس، وقّع على وثائق بدء تصدير الغاز من حقلي تمار ولفيتان إلى مصر، يوم الإثنين الماضي. وقالت الصحف الإسرائيلية إن عملية التصدير ستبدأ خلال الأيام القليلة المقبلة.

وفور الإعلان عن الخبر بدأت الكتائب الإلكترونية بالتبرير، في حين هاجم مغردون التعاون المعلن، والاعتماد على غاز سرقه الكيان الصهيوني، رغم إعلان الرئيس عبد الفتاح السيسي عن الاتفاقية أخيراً.

وكتب أحد حسابات الكتائب الإلكترونية: "‏‎يا جماعة الخير غاز إسرائيل واليونان وقبرص خام كله هيصدر لمصر للتسيل وبعد كده يتصدر إلى أوربا هو ده الاتفاق، واللي مش مصدق يتفلق".

وحاول آخر التبرير: "‏‎تقدر تصدر وتستورد زي ما هي عايزة... والاتفاق بين إسرائيل ومصر بين شركات خاصة شغالة في مجال الطاقة مش اتفاق بين دولتين زي ما الخبر بيحاول يوصلنا الصورة دي".

وجرّب ثالث نفي استخدامه محلياً: "‏‎مش للسوق المحلى ولا شيء مصر عندها اكتفاء من الغاز وسيتم قريبا الاعلان عن اكتشاف ضخم للغاز يعني الغاز بتاعكم سيتم اسالته وتصديره لأوروبا لتكون مصر مصدر للطاقة".

من جهة ثانية، كتب عبده: "‏‎‎‎مبارك صدر الغاز المصري لإسرائيل بربع ثمنه العالمي وبعدين فين ميتين حقل ظهر اللى الحكومة متفشخرة بيه ده.. أنا من ساعة ما سمعت عنه والفواتير بتزيد آخرها 200 جنيه فاتورة غاز يا مؤمنين و400 جنية فاتورة كهرباء وتحيا مصر".

وتساءل سامح عادل: "‏‎نفسي حد يفهمني بعيدا عن مؤيد ولا معارض بس بحيادية بجد ازاي أيام مبارك كنا بنصدر الغاز لاسرائيل ودلوقتي بنستورد منهم غاز مدام هما عندهم غاز كانوا بيستوردوه ليه واحنا مدام عندنا نقص غاز كنا نصدر ليه وحقول الغاز الي بنكتشفها دي بيروح انتاجها فين؟".

وكتب سيزو شامتا: "‏‎‎‎#إسرائيل تعلن بدء تدفق غاز حقل "ليفياثان" إلى ‎#مصر في غضون أيام. ومبروك لإخوتنا في مصر التقدم ان مصر أصبحت تستورد الغاز المصري من اسرائيل. وقد كانت سابقاً تبيعه لهم بثمن بخس. ده أنتم بقيتم أم الدنيا "سحيح" آه بجد".

وغردت منى عليوة: "‏مش عارفة اكتب أقول ايه يعني الغاز بتاعنا واسرائيل هي المتحكمة فيه وكمان بتصدره وتقبض فلوسه وكل يوم اعلام العار يطلع يقولك اكتشاف حقل غاز اكتشاف لمين لإسرائيل ومن فلوسنا وهي تاخذ على الجاهز ممكن حد يفهمني/ شالوم عليكم"،

وذكر مايكي: "‏الله يرحم.. كانوا بياخدوا الغاز في ماسورة.. لغاية ما ماضينا الزفته معاهم. بقم عندهم بير، بدل ما الخط يتفجر كل شوية"،

وقال نبيل كيلاني: "‏‎‎مفيش مشكلة ان اسرائيل تصدرلنا غاز علشان مصنع دمياط ومصنع ادكو يشتغلوا لكن احنا لينا حق في الغاز ده ومصر فرطت في حقها لما وافقت علي ترسيم الحدود بين اسرائيل وقبرص دون الرجوع الي مصر سنه 2011".