باسم يوسف: قضيتي واحدة من الأغرب في التاريخ المصري

قضت محكمة استئناف القاهرة ببطلان الحكم الصادر ضد الإعلامي، باسم يوسف، بدفع مبلغ 100 مليون جنيه بالتساوي مع الشركة المنتجة برنامج "البرنامج"، لشركة "المستقبل"، مالكة قناة "CBC"، الأسبوع الماضي. وفي هذا السياق، نشر يوسف على "إنستاغرام" صورةً عن الحكم، مع منشور شكر فيه هيئة الدفاع.

وقال يوسف: "اللي كتير من الناس ميعرفهوش أن خلال السنة دي تم بذل مجهود غير عادي، من فريق دفاع مصري محترف، أغلبه من الشباب اللي فضل شغال بالرغم من توقعات ناس كتير من أساتذة قانون وغيرهم أن الموضوع منتهي. وعشان كده كان لازم قبل مالقضية دي تتقفل وتتنسي أني أشكر كل واحد اشتغل علي القضية دي من أكبر أستاذ لأصغر محامي".

وأضاف: "أنا واثق أن القضية سوف تبقى مضرب مثل كواحدة من أغرب قضايا التحكيم في التاريخ المصري". وسأل "إزاي قناة منعت برنامج وعملت بيانات علنية ضد المذيع والشركة المنتجة ومنعت عرض الحلقة المتسلمة وشوهت سمعتنا وبعدين حكم تحكيم يدّيهم 100 مليون جنيه ويبقى المذيع هو المسؤول عن سدادهم، وعشان أفكّركم، دي فقرة من حيثيات الحكم، اللي المفروض يبقى في قضية تحكيم تجاري؟"

واعتبر أنّ حيثيات الحكم كانت رأياً سياسياً بامتياز، وليست حكم تحكيم. 

زي ما كتير منكم تابعوا والصحافة نشرت السنة اللي فاتت صدر حكم تحكيم تجاري ضدي وضد كيوسوفت للبرمجيات يلزمني أنا شخصيا بتعويض٥٠ مليون جنيه و٥٠ مليون تانية لو الشركة عجزت عن تسديد ما عليها من تعويض، وكتير منكم برضه مشكورين باركوا لي علي حكم بطلان حكم التحكيم اللي صدر الاسبوع اللي فات. ولكن اللي كتير من الناس ميعرفهوش أن خلال السنة دي تم بذل مجهود غير عادي من فريق دفاع مصري محترف أغلبه من الشباب اللي فضل شغال بالرغم من توقعات ناس كتير من أساتذة قانون وغيرهم أن الموضوع منتهي. وعشان كده كان لازم قبل مالقضية دي تتقفل وتتنسي أني أشكر كل واحد اشتغل علي القضية دي من أكبر أستاذ لأصغر محامي وبالأخص د. فتحي والي ود. محمد صلاح عبد الوهاب واستاذ حازم رزقانة ود. اسماعيل سليم واستاذ عبد الله الشهابي، وأخيرا وليس آخراً أكيد استاذ هشام فودة مدير فريق الدفاع. شكراً لكل واحد فيكم وانا واثق ان القضية دي هتفضل يتضرب بيها المثل كواحدة من أغرب قضايا التحكيم في التاريخ المصري. ازاي قناة منعت برنامج و عملت بيانات علنية ضد المذيع و الشركة المنتجة و منعت عرض الحلقة المتسلمة و شوهت سمعتنا و بعدين حكم تحكيم يديهم ١٠٠ مليون جنيه و يبقى المذيع هو المسئول عن سدادهم، وعشان افكركم، دي فقرة من حيثيات الحكم، اللي المفروض يبقى في قضية تحكيم تجاري. يعني فلوس و و بنود عقد؛ مش الكلام الحنجوري اللي مكتوب ده. و اللي على فكرة بيوحي ان بتوع برة تنفع معاهم البرامج دي بس بتوع جوة كخة و فاقدين أهلية. حيثيات راي سياسي بامتياز مش حكم تحكيم.

A photo posted by Dr Bassem Youssef (@dr.bassemyoussef) on Jan 13, 2016 at 10:40pm PST

اقرأ أيضاً: (فيديو) باسم يوسف:لم أهرب من مصر..."بتفسّح بقالي 13 شهر"