ساخرون من السيسي: بدأ 2017 بتجنيد البنات وسيختم بوأدهن
تجنيد البنات تم تلقيه بسخرية(Cultura RM Exclusive/Kevin C Moore)
"علشان
السيسي أعلن
2017 عام المرأة، بدأ بتجنيد
البنات، وشكله هيختم بوأد البنات زي الجاهلية"، هكذا سخر رواد التواصل، عقب انتشار بيان وزراة التضامن الاجتماعي المصرية، عن تجنيد مدني للإناث بداية من شهر فبراير/ شباط القادم، أو ما يسمى "خدمة عامة" بعد التخرج، لمدة عام.
وتضمن بيان الوزارة قراراً جديداً بتكليف دفعة جديدة من الشباب من الجنسين، ممن يحملون الجنسية المصرية، بأداء الخدمة العامة، وهي بمثابة فترة التجنيد في القوات المسلحة للذكور، ولكن في أماكن أخرى، مثل النيابة العامة، والتأمينات الاجتماعية، ورعاية الأيتام، ورعاية المسنين.
سارة سعد أعربت عن فرحتها "أنا موافقة على #تجنيد_البنات، والله البنات هتثبت إتقانها وأنها قد المسؤولية"، أما نانسي ففرحت بالنجاة من التجنيد، "واضح إن موضوع تجنيد البنات
طلع حقيقي، وواضح إني لأول مرة من يوم ما ربنا خلقني أفلت من قرار ومطبقش علي".
وتساءلت مها "إيه بقى حوار تجنيد البنات في الجيش ده بس عشان أبقى فاهمة!! وحالات الإعفاء بتبقى على أي أساس بس عشان ألحق أتصرف في نفسي".
وتدخل أحمد رضا في الحوار "حلو حوار تجنيد البنات ده عشان يعلمهم المسؤولية شوية".
فيما قالت يارا "2017 أولها تجنيد البنات واحنا لسة مكملناش 10 أيام من السنة أنا متفائلة جداً"، وسخرت ميزو "تجنيد البنات - عسكري ميزوو - قولي يا بيبي".
وكتبت نيرة "*تجنيد البنات* ما ضربتيش نار عالعدو ليه..! كان شكله حلو وما هانش علي أقتله، شكلي اكراشيت عليه".
بينما سخر مصطفى من عام المرأة الخاص بالسيسي "تجنيد إجبارى للبنات من أول شهر فبراير، هو ما دام بلحة قال 2017 عام المرأة، يبقى احتمال على آخر السنة نرجع لوأد البنات كما الجاهلية الأولى".
وعلى فيسبوك سخرت إحدى المغردات "تجنيد إيه يا باشا اللي بتقول عليه، أنا بروق الشقة بالعافية هو أنا عاد فيَّ حيل"، وكتبت "الفراشة القرمزية" قائلة "في تجنيد البنات هنحلق شعرنا طيب..؟؟ كبرت وبقيت ظابوطة صغننة، وهيقولولي حضرت الظابوطة راحت، حضرت الظابوطة جت، ومحدش هيعرف يكلمني يا منطقة بصوت اللمبي #تجنيد_البنات.. #مبروك_علينا_التجنيد_يا_بنااات".
وتساءلت شيرين "إيه موضوع تجنيد البنات ده، هو الجنس الآخر في الانقراض ولا إيه؟"، وسخرت شهد "خلاص فيه حد لسه منزلش بوست عن تجنيد البنات؟ شعب زياط".
تابع آخر أخبار العربي الجديد عبر Google News
