أمنيات بالهجرة والرحيل (سيمون بيرغاماستشي/NurPhoto)
تصدر وسم #احنا_جيل_نفسه_يفرح قائمة الأكثر تداولاً المصرية، بعدما أطلقه مغردون مصريون شباب للتعبير عن حالة الحزن والإحباط التي يعيشونها في ظل نظام الرئيس عبد الفتاح السيسي العسكري الحاكم.
وشملت التدوينات الحديث عن حالة الحزن، الظروف الاقتصادية، والسياسية، والاجتماعية، فيما كانت أمنيات الهجرة والرحيل على رأس تغريدات الشباب.
وكتب رفعت: "احنا جيل نفسه يفرح.. احنا جيل ميعرفش طعم الفرحة.. احنا جيل مستقبله ضايع.. احنا جيل معتش فيه طموح.. احنا جيل بينزف حاليا من الأيام دي.. كل اللي طلبينه فرحة مش أكتر وطموح. #احنا_جيل_نفسه_يفرح".
وعن أهل سيناء غرد عرفات: "كل الشعوب تحلم بالمستقبل، إلا أهل "سيناء" الحبيبة تحلم بالعودة إلى الماضي. #احنا_جيل_نفسه_يفرح". وبمرارة قال معتز: "احنا جيل مات فعلياً واللي عايش مات نفسياً. #احنا_جيل_نفسه_يفرح".
وتساءل حساب "فينوم": "#احنا_جيل_نفسه_يفرح.. احنا ليه متأخرين.. ليه موالين للغرب.. ليه مش عارفين حقوقنا.. ليه بنقتل في بعض.. كلها أسئلة عاوز حد مسؤول يجاوبني عليها بس للأسف ما فيش حد مسؤول عنده ضمير ولو موجود بيقتلوه زي ما قتلوا قبله".
وتوقع رؤوف: "هنسافر ونسيب بلحة هنا لوحده. #احنا_جيل_نفسه_يفرح". وشاركت إسراء عيسى: "احنا جيل فشل في كل حاجة مش لأنه فاشل بس هو اتشوه.. عايش صراع دائم مع نفسه كل يوم حرب. #احنا_جيل_نفسه_يفرح".
وكتب محمد نصر: "عايشين في مصر ابتلاء. #احنا_جيل_نفسه_يفرح". وسخر طارق: "#احنا_جيل_نفسه_يفرح.. طب إزاي واحنا لا ضباط ولا قضاة ولا حتى رجال أعمال".
وتمنى أيمن رمضان: "#احنا_جيل_نفسه_يفرح هنفرح وقت ما نعيش حياتنا بالعدل.. هنفرح اما منتغربش برة بلدنا ومشتغل ٨ ساعات بس مش ١٦.. هنفرح اما نكون سواسية في الحقوق كلنا مش عشان ابن باشا أو ابن بية يموتونا ويعيشو هما.. والله العظيم هنفرح بأي شغل جوة بلدنا بس ناخد حقوقنا ونتعامل بآدمية".
وعدد وائل: "يفرح مين يا باشا، خد عندك.. حرب الخليج الأولى والثانية، أزمة اقتصادية تشبه الكساد الكبير اللي حصل في العشرينات، داعش والقاعدة، الإسلاموفوبيا، ثورات الربيع العربي، بلحة، حروب في سورية والعراق وليبيا واليمن، والقضية الفلسطينية، وتقولي نفرح. #احنا_جيل_نفسه_يفرح".
ومع صورة السيسي ضاحكاً، كتبت أسماء: "#احنا_جيل_نفسه_يفرح.. بس يفرح إزاي وفي ناس بتدمر أحلامه وهي بتضحك".
Twitter Post
|
تابع آخر أخبار العربي الجديد عبر Google News
المزيد في منوعات
