السيسي: "مافيش حاجة ببلاش"... ومغردون: "بندفع فاتورة 65 سنة سياسة"

عن الإجراءات الأمنية المعتادة والمعطلة لحياة المواطنين كتبت أمنية: "يعني يوم حتى ما تعمل حاجة عِدلة تكدّرنا وتقفل كل الطرق، إحنا بنلف من 8 الصبح لحد دلوقتي عشان نلاقي بس طريق مفتوح للغردقة، كل الطرق مقفولة من 2 بليل ودلوقتي لا عارفين نوصل للفندق ولا حتى نروح بيوتنا والفلوس ضاعت علينا ميرسي يا سيسي".

وكتب عبدالرحمن: السيسي عَمّال يقول عامل ليكم طريق هدية، وفي آخر المؤتمر بيقولهم متزعلوش لو حطيت رسوم للطريق، أول مرة أشوف حد بيدفع تمن هدية متقدمة له #بني_سويف".

وكان السيسي قد قال أثناء الافتتاح إن "كلامي قد يبدو قاسياً بعض الشيء، لكن المصانع دي اتعملت عشان كلنا ناكل منها عيش"، فتساءلت نورا: "كلنا مين؟؟ حسب معلوماتي الجيش بيعمل ست مصانع أسمنت إضافة للموجود في البلد، يعني عاوز يخربها على دماغ العالم، لأ ومش مكفّيه عاوز يشارك المصانع دي ويأكل منها عيش هو ومؤسسته العسكرية #بني_سويف".

وأضاف محمد علي باشا معلومة: "كالعادة.. أكبر مصنع لإنتاج الأسمنت في مصر والشرق الأوسط وإفريقيا والمجموعة الشمسية.. تبع العسكر من الألف للياء".

وتعجّب الدرويش من تجاهل الإعلام تلك المعلومة فغرد: "باي ذا واي مصنع أسمنت بني سويف العملاق اللي بيفتتحه عبفتاح النهاردة ده بتاع الجيش. الغريب إن المواقع اللي ناقلة الخبر مش كاتبة ده صراحة مش عارف ليه؟".

وعبر سلسلة تغريدات تحدث أحمد أنور عمّا أسماه خطة لرفع سعر طن الإسمنت: "طيب بما إن #بني_سويف أول مره تبقى ترند هنا، والكلام عن افتتاح مصنع الأسمنت حابب أوضح شويه مغالطات أولا سعر الأسمنت في السوق كان في رنج 750 جنيها، لما بدأ الإنتاج في مصنع الجيش في بني سويف اتاخد قرار سيادي بإغلاق أكبر مصنع أسمنت في مصر بدون أي أسباب وده مصنع القومية بتاع حلوان".

وأضاف "قرار إغلاق المصنع أدى لشح الأسمنت في السوق مما سبب زيادة السعر إللي وصل 1300 جنيه.. كان بالتزامن بدأ ضخ أسمنت الجيش ببني سويف تدريجياً مما أدى لانخفاض السعر حتى وصل إلى السعر الحالي 950 جنيها".

أما أكثر التصريحات تعليقاً وانتقاداً حين قال السيسي: "مفيش حاجة ببلاش خالص"، فعلق محمد سرحان: "طالما مافيش حاجة ببلاش ماتزعلش لما الناس تفقد انتماءها للوطن وتكره الوضع الحالي لأن مش معاها تدفع في ظل غلاء المعيشة وتطالب برحيلك لأنها مش قادرة تعيش في البلد، لأن ببساطة مفيش حاجة ببلاش خلاص حسبنا الله ونعم الوكيل".

وكتبت مغردة "السيسي: "مفيش حجة ببلاش خالص، السيسي: اللي عايز يشتغل السكن على حسابه، السيسي: طبعا هاتقولوا الكلام ده قاسي لا طبعا هو حد يقدر يقول كده.. ولسه هنشوف غلاء الأسمنت، براحتك يا باشمهندس طارق الشعب ده إتدلع وخد حنّيّة كتير".

وكان السيسي في مؤتمر الشباب الأخير قد خاطب وزير الكهرباء والطاقة المصري، المهندس طارق الملا، ساخراً: "انتم بتركبو العربيات وبتعملوا كيكي وميكي زود يا باشمهندس طارق البنزين ومايهمكش".

وعلقت سهير رضوان: "#بني_سويف صحيح مافيش حاجة ببلاش بس إحنا كده بندفع فاتورة 65 سنة سياسة دولة تساعد على الفساد للبقاء في الحكم.. كده ظلم".

وأضاف إسماعيلاوي: "عندك حق، انتقالات وسكن تبقى على العامل واحنا كمان عاوزين انتقالاتك وسكنك ومؤتمراتك على حسابك عشان نطلع ومانكونش أمة العوز #بني_سويف".