وكتب سلامة: "من مشاريع الدولة المستدامة... محافظ البحيرة يمنح كل شاب 20 بطة بصورة قرض. يكبر البط ويبيعه ويسدد القرض. ده مش هزار. دى جريدة الدستور ناشرة الخبر... ربنا يشفى الحمير".
وتساءل أحمد الهسيسي: "#اليوم_السابع|سكرتير محافظة البحيرة يكشف تفاصيل قرض 20 بطة مسكوفى للشباب.. شخصياً مبكولش البط والحمام.. مفيش قرض ورق عنب يا محافظ يجي القاهرة. #ايه_منعك_ترتبط".
وسخر حساب "فسح السحلية وابسطها": "أقدم فين على القرض ده يا جماعة.. وهل ممكن أخد القرض ديوك رومي بدل البط؟".
وتقمص أيمن شخصية مسوؤل ورد عليه: "لا حضرتك احنا بنخلص من الفراخ الأول والمرحلة الجاية نخلص من بيض الفراخ.. الديك الرومي في المرحلة السادسة كمان 19 سنين انشا الله".
وتوقع نوفل: "أروح اقترض بطة ويقولولى الفوايد بتعتها عشر بيضات.. ده البيض ده"، وطالب أيمن الغندور: "اشمعنى البحيرة.. قرض البط من حق كل المحافظات".
أما نودي فغنت: "محافظة البحيرة تعلن عن تفاصيل حصول الشباب على قرض.. قرض البط المسكوفي لشباب.. 20 بطة لكل شاب!! والبط يقوم فرحان م النوم .. يغطس ويعوم وهات يا لعب".
وقالت رشا: "شوفت المشاريع اللي بيساعدوا بها الشباب.. لاحظ انه قرض البط يرجع لهم تاني مش ناقصين ريشة".
وكتب "معارض": "والله الواحد بيحاول على قد ما يقدر يمنع نفسه من أي ألفاظ خارجة.. بس قولولي انتوا ايه ده؟".
وسخر عبد العزيز أبو حمزة: "أخيرا لقينا حد هينافس توفيق عكاشة ويزغط البط".
تابع آخر أخبار العربي الجديد عبر Google News
