عمرو أديب يطالب بتأجيل الثورة: الجايات كتير!

"ثورة المتلككين"... هذا ما ينتظر مصر في 25 يناير/كانون الثاني المقبل، بحسب وجهة نظر المذيع عمرو أديب، الذي انتقد حديث الثورة، على لسان كل المصريين، قائلًا: "هو الشعب ده مش وراه غير الثورة يعمل ثورة يوم آه ويوم لأ".

وتعجب أديب من اختصاص 25 يناير بالثورة، وتساءل: "حال البلد زي الزفت وعملت لنا إيه الثورة، وقبل كدة عملنا الثورة وماعرفناش نكمل بعدها وجبنا مجلس رئاسي، وبعدين المجلس العسكري، وجه الإخوان ومشينا الإخوان وبعدين؟ ماحدش بقى عارف إحنا عاوزين إيه".

وتساءل: "ليه كل ما يحصل حاجة نقول الميدان؟ حملة الماجيستير والدكتوراه عاوزين يتعينوا يروحوا الميدان، يحصل تعذيب نقول الميدان، الأسعار ترتفع نقول الميدان". ودعا إلى تأجيل الثورة لعام واحد: "الثورات جاية كتير، طب نستنى نعمل حاجة السنة دي، نعمل استثمارات أو أي حاجة، وبعد كدة إعمل ثورة ونولعها".

على "تويتر"، تعجب حسن من محاولات أديب المستميتة لإثناء المصريين عن الثورة: "‏عمرو أديب بيوجهلنا سؤال انتم لِسَّه فيكم نفس لثورة. ..طب انتم شفتم ايه كويس فى اى ثوره علشان كدا عايزين تكرروها". وسخر مصطفى قائلا "عمرو أديب بيقولك عاوزين تعملوا ثورة ليه؟ انتو بتتلككو؟".