محمد صلاح يقرأ "فن اللامبالاة"... ويكشف إحباط المصريين

وكتب حساب "نادي ليفربول بالعربي" (حساب غير رسمي): "‏بعد ما صلاح نشر صورته وهو بيقرأ كتاب اسمه فن اللامبالاه.. الكتاب أتعمل عليه عدد سيرش رهيب على غوغل في يوم واحد في مصر اللي هو امبارح بعد ما كان محدش يعرفه ولا فكر يدور عليه.. المصريين كلهم عايزين الكتاب والإقبال عليه بقى تاريخي يا فندم .. المفروض صلاح ياخد نص المبيعات والله".

أما تسنيم فرأت أسباب قراءة صلاح للكتاب كالتالي: "‏الشعب المصري كله اشترى كتاب فن اللامبالاة اللي كان محمد صلاح بيقراه! يالهوي ده قعد شهر في مصر قرأ فن اللامبالاة".

وأشارت عنان: "‏‎#محمد_صلاح بعد اللي حصله، بقرأ كتاب فن اللامبالاة لعيش حياه تخالف المألوف! كلنا هنشترى الكتاب دا".

وتعجبت ردينة: "‏لاعب كرة متصور وهو ماسك كتاب اسمه فن اللامبالاة ظهر حتة صغيرة من غلاف الكتاب ده، بعدها ب ٦ ساعات الناس نزلوا المكتبات مالاقيوش الكتاب ده، ده بخلاف ان الكتاب اتعمله ربع مليون داونلود من النت في اول ٣ ساعات .. بس ده مش أي لاعب ده القدوة ‎#محمد_صلاح".

وعبر محمد جعفر عن حزنه: "‏الكتاب اللي كان بيقرأه محمد صلاح اسمه فن اللامبالاه لمارك مانسون ... الأكثر بحثا على جوجل والأكثر داونلوود في آخر ٩ ساعات! يا بني لو قعدت معانا كمان ماتشين هتشم كولا اكيد".

في حين قالت آني: "‏صلاح بيقرب من أي حاجة بتنتشر و بنحبها تلاقي الشعب اللي مش بيطيق القراية في يوم وليلة خلى الكتاب ترند لا وكمان عايزين يقروه .. كم أنت عظيم ياصلاح .. هااقراه أنا كمان @MoSalah #فن_اللامبالاه".

يذكر أن كتاب "فن اللامبالاة" من تأليف مارك مانسون، صدر في 23 مارس/آذار 2018، وهو من كتب مجال التنمية البشرية، ويطرح الكتاب كيفية تعامل الإنسان مع المشاكل والمصاعب.