#يعني_ايه_طوارئ؟ تصفية وإخفاء قسري في عهد السيسي

بعد ساعات من تجديد الرئيس المصري، عبد الفتاح السيسي، حالة الطوارئ، للمرة السابعة على التوالي، دشن ناشطون وسم "#يعني_إيه_طواريء" (طوارئ)، للتدوين عن كوارث التجديد، فجاءت معظم التغريدات عن قمع الحريات وحبس المعارضين والإخفاء القسري بدعوى محاربة الإرهاب.

وغردت آمنة: "‏‎#يعني_ايه_طوارئ... طوارئ لمحاربة الإرهاب وهو الإرهاب نفسه... ارحل يا بلحة".

وشرحت رقية مازن: "‏‎#يعني_ايه_طوارئ... يعني أخاف أتكلم مع صحابي لا أقول قدامهم كلمة خطأ فيبلغوا عني... يعني خلونا نشك في أقرب الناس لينا".

ولفت حساب "رابعة الصمود": "العام الوحيد الذي لم يعلن فيه طوارئ هو عام الشرعية... عام الحرية والديمقراطية... عام اختار فيه الشعب رئيسه بانتخابات نزيهة... لم يُقمع قلم لم يُسكت صوت لم يعتقل معارض... وهذا هو الفرق بين من جاء باختيار ومن اغتصب السلطة بدبابة ومؤامرة وتمويل ومباركة من الأسياد. #يعني_ايه_طوارئ".

وأكد سامي فريد: "‏‎#يعني_ايه_طوارئ... يعني اللي بيحكمني جبان وخايف من صوتي وقلمي كمان".

وقال صاحب حساب "حريتي" باختصار: "‏‎#يعني_ايه_طوارئ... يعني حكم العسكر".

وكتب عمر سليم: "‏‎#يعني_ايه_طوارئ... يعني جباية وفرض اتاوات وضرايب على الشعب بدون حس ولا خبر".

وعن التصفية خارج القانون قال آدم مرسي: "‏‎#يعني_ايه_طوارئ... يعنى يدخلوا عليك مزرعتك يصفوك انت وعمالك ويقولوا تبادل إطلاق نار مع ارهابين".

وعددت منى أحمد: "‏‎#يعني_ايه_طوارئ... يعني حقك ضايع... ممنوع من الكلام... ممنوع من الدفاع عن نفسك... أنت كده مستباح من كلاب العسكر في أي وقت... يسجنوك يقتلوك

يجردوك من ممتلكاتك... عادي... طوارئ".

أما حور فغردت: "‏‎#يعني_ايه_طوارئ... يعني تصفيات للشباب خارج نطاق القانون... يعني اختفاء قسري ولا ليك حق حد يدور عليك".

وحاول هوما التفسير وقال: "‏‎#يعني_ايه_طوارئ... يعنى إنك تروح تعلم أبنك تدفع الرسوم وابن الباشا اللي بيقبض 100 ألف تتشال عنه الرسوم... إنك تتعب تروح تكشف ماتلاقيش علاج والباشا يتعالج على نفقة الدولة... عمار يا مصر".