مواطنٌ مصريّ يعرض كليته للبيع بسبب الفقر ويضع رقماً للتواصل معه

تداول رواد مواقع التواصل الاجتماعي صورة مسن مصري، يرفع لافتة كتب عليها رغبته في بيع كليته للحصول على سكن لأولاده، إلى جانب اسمه ورقم المحمول الخاص به للتواصل معه. ووفق ما نشره الناشطون على السوشال ميديا فإن هذا المسنّ كان يقف أمام مبنى محافظة الشرقية في مدينة الزقازيق حاملاً شكواه.

الصورة أثارت مشاعر حزن واستهجان رواد مواقع التواصل الاجتماعي بسبب تردي الأوضاع وسوء الأحوال التي دفعت الناس لمثل هذا التصرف.

وكتب عمرو المسلمي، مشيراً للرئيس السيسي: "بدل ما البيه يحارب الشباب خليه يشوف الناس اللي فاض بيها دي وعايزه تبيع حتة من جسمها علشان أوضه تأويه هو وأولاده". وعلق فولي: "#بحزن_لما اشوف ناس بتبيع كليتها عشان الاحتياج".

أما زهرة العرب فغرّدت: "نحسّ بوجع الناس ونفهم إننا لازم نخلص من العسكر، الناس بقت بتبيع لحمها وأولادها هنسكت لحد امتى؟".

وغرد ابن الثورة: "من أمام مبنى محافظة الشرقية رجل يرفع لافتة يعلن عن بيع كليته ليحصل على سكن لأولاده... في ظل حكم العسكر يلجأ المصريون لبيع أعضائهم".

وفي ملمح آخر وجّهت سلمى الجارحي تغريدتها إلى الرئيس السيسي: "الراجل ده واقف عند مبنى المحافظة في الزقازيق عشان يبيع كليته.. ممكن السيد الرئيس يورينا كشوفات الفلوس اللي شحتها وفلوس البلد راحت فين؟".

وفيما يشبه الخبر، لكنه غير مؤكد كتب محمد مجدي: "شباب صناع الزقازيق اتواصلوا مع حالة الراجل اللي كاتب إن هو عايز يبيع كليته وهيتعمله مشروع من مشاريع رزق حلال إن شاء الله".