#هنتجمع_12_بالليل_ياثوار... خطة لإرهاق نظام السيسي

تصدرت الوسوم الداعية للثورة، قائمة الأكثر تداولاً لموقع "تويتر"، بعد منتصف ليل الجمعة ـ السبت، رغم انتهاء يوم الجمعة الذي خرجت فيه التظاهرات في القاهرة ومحافظات مصر، للمطالبة برحيل الرئيس عبد الفتاح السيسي.

وجاء وسم #هنتجمع_12_بالليل_ياثوار في المقدمة، بعد دعوة ناشطين للتظاهر والتجمع عند منتصف الليل، في استراتيجية جديدة. وبالفعل انتشر على الوسم فيديوهات تظاهرات ميدان رمسيس في وسط القاهرة.

وجاء بعده وسم #مفضوح_يامعلقة، والذي دشنه الفنان محمد علي، للهجوم على السيسي ووصفه بالفضيحة، بعدما أغلقت قوات الأمن شوارع القاهرة خوفاً من التظاهرات ضده.

كما عاد للقائمة وسم #ارحل_ياسيسي، ودشن مغردون وسم #لسه_نفسنا_طويل_ياسيسي لتحدي النظام بعد انتهاء الجمعة، لتثبت قائمة الأكثر تداولاً، أن الثورة مستمرة كما أكد ناشطون.

وكتبت ندى مصطفى: "‏هو ليه احنا قافشين على التحرير وصلاة الجمعة؟ ما الشوارع كتير والميادين كتير، ليه مصرين نستنسخ يناير؟ انزل بمسيرة بسيطة في أي شارع جانبي شد الناس ولما يكون معاك حشد اطلع للشوارع الكبيرة، صوّر المسيرة ووثق تاريخها وهتلاقيها منشورة في كل مكان #هنتجمع_12_بالليل_ياثوار #ارحل_ياسيسي".

وغرد نيل الصاوي: "‏- الداخلية بقالها 6 سنين مشدودة معاك قانون طوارئ وأمن سياسي بسببك - الجيش والمحترمين فيه مضايقين من نظرة الشعب السلبية ليهم بسببك - المؤيدين بتوعك تعبوا من كتر التبرير لفشلك - المعارضين في المعتقلات ومطاردين - الشعب مطحون غلاء وفقر وظل... انت كابوس على الكل. #هنتجمع_12_بالليل_ياثوار".

وعلق محمد سامح على فيديوهات تظاهرات ميدان رمسيس: "‏عاش يا أبطال والله ما مصدق نفسي إن شبابك يا مصر أبطال اللهم ثورة. #رمسيس #هنتجمع_12_بالليل_ياثوار".

كما ابتهلت دعاء: "‏الولاد اتجمعوا في ‎#رمسيس فرحت بعد يوم كئيب.. الأبطال اتجمعوا .. نصرك يارب.. اللهم نصرك يارب.. اللهم انصرنا يارب العالمين. #هنتجمع_12_بالليل_ياثوار".

واقترح صاحب حساب "يارب مصر": "‏النزول بالليل ممتاز في رأيي، تعبانين من الصبح وقرفانين هيجروا وراك تاني هيتعبوا ويفرهدوا زيادة وينخوا بدري بدري، وتبقا السهرة صباحي .. ريتويت هنا وشارك الهاشتاج ‎#هنتجمع_12_بالليل_ياثوار".

وكتب حساب حملة "باطل": "‏ناس أول مرة تنزل الشارع بعد ما عرفت الحقيقة.. حقيقة ان بلدهم منهوبة وانهم مش فقرا…. لكن منهوبين من عصابة بتبني قصور وتشتري طيارات فخمة وسايبة الزبالة للشعب الغلبان.. النهاردة … البداية الحقيقية لسقوط ‎#السيسي.. السقوط دا جاي جاي والشعب هيركب. #مفضوح_يامعلقة #ارحل_ياسيسي".

ولاحظ أحمد حمدي: "‏حتى مؤيدينك اللي بيمثلوا اللقطة منهكين وحالتهم كرب ويستاهلوا الشفقة.. عيونهم بتتكلم وصورتهم لا تحتاج إلى تعليق.. من أي المعادن أنت يا معلقة. #مفضوح_يامعلقه #سقط_السيسي_وبقيت_مصر".

وقال أحمد: "‏من أول يوم واحنا بنقول أن المعركة طويلة ومش هتخلص في يوم .. بنقول أننا مش زى خرفان 30/6 هايتفتحلنا الطرق ولا هايترمي علينا ورود وأعلام وقلنا أننا هنقابل آله قتل جبارة.. لو نفسك طويل هتكمل .. نفسك قصير أركن ع جنب وماتحبطش اللي حواليك. ‎#مفضوح_يامعلقة".

وطالب ميدو: "‏الثورة تحتاج قائد حقيقي على الأرض.. حد يوجه الناس ويبلغ بمكان التجمعات والخطط البديلة في حالة حدوث تدخل من الشرطة.. الثورة تحتاج تنظيم أكثر لطمأنة الناس.. تقريبا الكل قاعد مستني يحصل تجمع علشان ينزل ومفيش تجمع هيحصل بالعشوائية وعدم التنظيم.  #لسه_نفسنا_طويل_ياسيسي".

وخاطب محمود الجنتل: "‏‎#لسه_نفسنا_طويل_ياسيسي.. والله لانخليك تلف حولين نفسك.. احنا شعب حر عندنا قضية أعظم منك انت وكلابك. #هنتجمع_12_بالليل_ياثوار".