فيروس كورونا: سخرية مصرية من وزيرة الصحة و"عبعاطي"

كتبت هدير جبر: "وزيرة الصحة بتقول لما سألوها في مكالمة عن إجراءات التأمين والوقاية من فيرس كورونا، إن الطب الوقائي في مصر (قسم الكوميونتي) جامد قوي، أكيد هو مش باين على وشي ولا إيه؟".

وشارك طارق أبو شريفة: "وزيرة الصناعة: الدولة اتخذت الاحتياطات لمواجهة كورونا، وهو ما يمثل فرصة ذهبية للصناع للحد من الاستيراد وإقامة المصانع.. بصراحة عندنا شوية وزراء زي الفل، أنا كنت فاكر إن وزير التعليم ووزيرة الصحة بس اللي فاشلين وبيقولوا تصريحات غير مسؤولة!".

وعن تصريح وزيرة الصحة عن قرب اكتشاف علاج لفيروس كورونا خلال 3 أسابيع، علقت رانيا عبد الله: "كل الناس في العالم بتتكلم في سنة ونص، وزيرة الصحة المصرية: إديني 21 يوم".

وعن تصريح آخر كتب أحمد: "وزيرة الصحة: حامل كورونا المكتشف (غير معد)، ويمكنه التغلب على الفيروس. في بلادهم عملوا حجر صحي على المرضى وحبسوهم في بيوتهم، وحرقوا جثث الناس اللي ماتت، وإحنا هنا شطار وبنقول غير معد والعملية في النملية".

وأضافت وزيرة الصحة: "سنوثق التجربة المصرية ضد (كورونا) بشكل علمي يفيد العالم"، فعلق محمود البدري: "أحيه أحيه بتقولك بشكل علمي يفيد العالم!! وزيرة في مصر بتتكلم عن العلم بكل ثقة، ونسيت عبعاطي اللي وزارة الصحة مشيت وراه واتفشخرت بيه، وهي أسوأ من اللي سبقها أيامه!".

وأضاف سلامة: "تجربة إيه يا حاجة!!؟ هو احنا شفنا شكل الفيروس ده لسه!! ربنا ابتلانا بالثنائي الكوميدي وزيرة الصحة ووزير التربية والتعليم".

وعلقت دينا الحناوي على صور وزيرة الصحة وهي تقوم بتطعيم أحد الأطفال: "أنا اللي جالي شلل أطفال بعد الصورة دي! فين الجوانتي! وإيديكي بكل ميكروباتها على عنين الطفلة، والمفروض في فيروسات وأوبئة بنحاول نحد من انتشارها!!".

واستكملت فاطيما: "طب الممرضات وماحدش صرفلهم جوانتيات طبية عشان الميزانية لا تسمح فمضطرات، إنما الست الوزيرة بجلالة قدرها برضه ماعهاش تشتري علبة بـ50 جنيه، تحطها في عربيتها وتطلع منها واحد للأحوال دي؟! بس لأ طبعاً إحنا بنتربص بالوزيرة، وماحناش مش في أيام غبرة والكورونا مفروض يخوفونا ولا حاجة".