حديقة الحيوان بالجيزة خارج دائرة البسطاء: "أسعار دهان الحمير زادت"

استقبل رواد مواقع التواصل الاجتماعي خبر زيادة سعر دخول حديقة حيوان الجيزة من 5 لـ25 جنيهاً بعد عيد الأضحى بالانتقاد والسخرية، من رفع سعر المتنفس الذي كان يلجأ له محدودو الدخل للتنزّه، والذي خرج مؤخراً من تصنيف حدائق الحيوان في العالم بفعل الإهمال.

كما ربط ناشطون بين الزيادة الجديدة وارتفاع أسعار كل السلع في مصر، بدءًا من المترو للمياه والكهرباء، والاتصالات والقطارات، وأخيرًا حديقة الحيوان، بالإضافة إلى واقعة الحمار الوحشي المزيف في الحديقة الدولية بمدينة نصر.

وروجت الأذرع والكتائب الإلكترونية كثيرا للقرار، وحاولت تبريره بأنه تخصيص أيام محددة للأغنياء للاستمتاع بالحديقة، ومحاولة لتوفير موارد جديدة لتطويرها.

وسخرت سناء وناس من القرار: "‏ماحدش يزعل إن تذكرة حديقة الحيوان اللي كانت بخمسة وعشرين قرش بقت خمسة وعشرين جنية غصب عنهم البوية اللي بيدهنوا بيها الحمير مستوردة وغليت".

وغرد أحمد خطاب المعروف بـ "ناشط مش سياسي": "‏حديقة الحيوان تعلن زيادة أسعار تذاكر دخول الحديقة لـ 25 جنيه بعد العيد، يعنى أدفع ٢٥ جنيه علشان أدخل أشوف قردين وأسد عنده شلل رعاش وحمار بلدي مخططينه".

وعلقت ريحانة: "‏بعد خروجها من التصنيف العالمي.. زيادة سعر تذكرة حديقة الحيوان لـ 25 جنيه؟! 25 ليه ده لو هشوف ‎#السيسي جوه مدفعش فيها الـ25 جنية أصلا.
#المصري_رقم_واحد_في".

Twitter Post

وكتبت بيرو: "‏ليه يغلي تذكرة حديقة الحيوان ديه كانت فُسحة الغلابة ..اللي عنده خمس ولا ست عيال كان أرخص وأمتع فسحة لولاده جنينة الحيوانات وأهو هيقضوا اليوم كله ومعاهم أكلهم مش هيتكلف كتير .. حتى المتع البسيطة بيحرموا الناس منها ..حسبي الله ونعم الوكيل".

بدورها تساءلت منى: "‏هو مش المفروض يطوروا جنينة الحيوانات الأول وبعدين يبقوا يغلوا سعر التذكرة، ولا هو لم فلوس وخلاص!".

وفسرت راني محمد القرار: "‏زيادة سعر تذكرة حديقة الحيوان من ٥ ج ل ٢٥ ج، دليل إن اللي بياخدوا القرارت دي همّا الموجودين جوه الحديقة والناس بتروح تتفرج عليهم".

وتوقع الناشط مجدي حمدان: "‏زيادة تذكرة حديقة الحيوان بالجيزة ليست بغرض التطوير
فالحديقة أصبحت عبارة عن كافيهات ولا وجود لأي حيوانات ولكنها فرصة لبيع الحديقة بزيادة تذكرة الدخول من 5ج إلى 25 ج فيهجرها الناس ويكون ذلك سببا للبيع.. إفلاس".

وحاولت داليا نوفل تفسير القرار: "‏رفع سعر تذكرة حديقة الحيوان ل ٢٥ جنيه مع عدم وجود حيوانات كفاية ما هي الا مقدمة لحجة جديدة بعدم وجود زائرين للقيام بهدم هذه المحمية العظيمة وتحويلها لمشروع مسخ بلا روح لصالح المستفيدين!".

Twitter Post

Twitter Post

Twitter Post

Twitter Post

Twitter Post

Twitter Post

Twitter Post

Twitter Post